Presidenti i Iranit: SHBA kundërshton rritjen e vendeve në zhvillim, dëshiron që ato të jenë të varura- Raisi i bëri komentet të hënën në Teheran në një takim me Isiaka Abdulkadir Imam, Sekretarin e Përgjithshëm të Organizatës D-8. Duke theksuar se politika e Iranit bazohet në bashkëpunimin me organizatat rajonale dhe ndërkombëtare, si dhe me vende të tjera, presidenti i Iranit tha: “Shtetet anëtare të D-8 gëzojnë potenciale të mëdha për tregtinë dhe tranzitin e mallrave, të cilat janë neglizhuar në masë të madhe”. “Shtetet e Bashkuara nuk duan që vendet në zhvillim të rriten dhe janë të interesuara që me çdo mjet të mundshëm t’i shohin ato të varura nga sistemi hegjemonist,” tha Presidenti Raisi. Ai vuri në dukje sukseset e mëdha shkencore dhe teknologjike të arritura nga të rinjtë iranianë në parqet shkencore dhe teknologjike të vendit dhe tha: “Irani mund të ndajë arritjet e tij teknologjike dhe shkencore me shtetet e tjera anëtare të D-8”. Shefi ekzekutiv iranian theksoi se vendet anëtare të D-8 duhet të bëjnë më shumë përpjekje dhe të përdorin kapacitetet e tyre për të rritur shkëmbimet e tyre tregtare. Sekretari i përgjithshëm i D-8, nga ana e tij, tha se Irani është një anëtar aktiv i organizatës D-8. Ai shtoi se si shef i D-8, ka adoptuar një qasje që merr në konsideratë kapacitetin e popullsisë për vendet anëtare dhe rrit shkëmbimet tregtare midis anëtarëve. Blloku në zhvillim D-8 u themelua në vitin 1997 bazuar në një iniciativë të Turqisë. Grupi përbëhet nga Bangladeshi, Malajzia, Pakistani, Irani, Turqia, Egjipti, Nigeria dhe Indonezia.
Burimi