Macron zotohet se do t’ua vështirësojë jetën të pavaksinuarve - Balkan Times

Macron zotohet se do t’ua vështirësojë jetën të pavaksinuarve

Iran and the remaining signatories to the 2015 deal are continuing their diplomatic efforts in the Austrian capital of Vienna aimed at securing a removal of the United States sanctions on Tehran and reviving the agreement that was abandoned by Washington.

Macron zotohet se do t’ua vështirësojë jetën të pavaksinuarve – Presidenti francez, Emmanuel Macron, ka paralajmëruar se synon të bëjë më të vështirë jetën e personave të pavaksinuar kundër koronavirusit.

“Dua t’i bezdis ata, dhe do të vazhdojmë të bëjmë këtë gjë – deri në fund”, ka thënë ai për të përditshmen franceze, Le Parisien.

Por, kundërshtarët politikë kanë thënë se gjuha e ashpër, që ka përdorur në intervistë, nuk i shkon një presidenti.

Komentet e tij kanë ardhur teksa projektligji për pasaportat e vaksinimit është shtyrë nga deputetë opozitarë, të cilët janë bashkuar kundër Qeverisë.

Projektligji parasheh që personave të pavaksinuar t’iu pamundësohet qasja në një mori organizimesh.

Dokumenti ishte parashikuar që të miratohej këtë javë, mirëpo ai ka zemëruar kundërshtarët e vaksinës, dhe disa deputetë francezë kanë thënë se janë kërcënuar për vdekje rreth kësaj çështjeje.

Në intervistën e tij për Le Parisien, Macron ka thënë se ndonëse nuk do të shkonte pas vaksinimit të detyrueshëm, ai ka shpresuar se do të inkurajojë njerëzit që të vaksinohen “duke kufizuar sa më shumë qasjen në jetën sociale”.

“Nuk do t’i dërgoj të pavaksinuarit në burg”, ka thënë ai.

“Ne duhet t’ju tregojmë atyre se nga 15 janari, nuk do të mund të shkojnë në restorant. Nuk do të mund të shkojnë nëpër kafiteri, dhe as nëpër teatro e kinema”.

Gjuha e përdorur nga Macron është kundërshtuar ashpër nga opozita.

“Asnjë emergjencë shëndetësore nuk arsyeton këto fjalë”, ka thënë Bruno Retailleau, lider i Senatit nga radhët e republikanëve të krahut të djathtë, raporton AFP.

Liderja e ekstremit të djathtë, Marine Le Pen, ka thënë në Twitter se një president nuk duhet të deklarojë diçka të tillë.

“Emmanuel Macron nuk e meriton atë zyrë”.

Ndërkohë politikani i krahut të majtë, Jean-Luc Melenchon, i ka përshkruar këto deklarata si “rrëfim i habitshëm”.

“Është e qartë, pasaporta e vaksinimit është ndëshkim kolektiv kundër lirisë individuale”, ka thënë ai.

Franca është një prej vendeve me shkallën më të lartë të vaksinimit në Evropë, pasi më shumë se 90 për qind e popullsisë së rritur ka marrë dy dozat e vaksinës.

Për muaj të tërë, Franca u ka kërkuar njerëzve që të prezantojnë dëshmi të vaksinimit apo test negativ për koronavirus, për të pasur qasje në ngjarjet publike.

Tani Qeveria franceze dëshiron të largojë mundësinë e testit negativ, për shkak të rritjes së shkallës së infektimit, të nxitur nga variantet e koronavirusit, Omicron dhe Delta.

Të martën, ky shtet ka raportuar 271,686 raste ditore të infektimit, njëherësh rekord të rasteve për 24 orë, prej shpërthimit të pandemisë.
Rekord rastesh edhe në SHBA

Sipas të dhënave të Universitetit Johns Hopkins, autoritetet amerikane kanë regjistruar 480,273 raste të reja me koronavirus më 4 janar.

Rreth 23 për qind e të testuarve kanë rezultuar pozitivë.

Shtetet tjera si Japonia, India, Australia dhe Gjermania, po ashtu kanë raportuar shifra në rritje të infektimit, teksa varianti Omicron nuk po tregon shenja të ndaljes.

Presidenti amerikan, Joe Biden, u ka bërë thirrje amerikanëve që të jenë të shqetësuar, por jo edhe të alarmuar, teksa diskutohet nëse koronavirusi është jashtë kontrollit në Shtetet e Bashkuara.
Presidenti Biden ka thënë se vaksinat, dozat përforcuese dhe ilaçet terapeutike kanë ulur rrezikun për shumicën e personave që janë të vaksinuar.

Të dhënat e fundit për variantin Omicron tregojnë se ndonëse ai mund t’iu shmanget më lehtë vaksinave, megjithatë shkakton simptoma të lehta te personat e vaksinuar dhe më pak vdekje në krahasim me variantet tjera.

Prapëseprapë, shumë shtete kanë paralajmëruar qytetarët e tyre që të përgatiten për një periudhë të vështirë.

Burimi
(Pikëpamjet e shprehura në këtë artikull nuk pasqyrojnë domosdoshmërisht qëndrimin editorial të BalkanTimes.)

You might also like
Leave A Reply

Your email address will not be published.