Londra kërkon një takim urgjent të liderëve të NATO-s

Londra kërkon një takim urgjent të liderëve të NATO-s

Pas përshkallëzimit të sulmeve ajrore ruse në Ukrainë, kryeministri britanik bëri thirrje për një takim të krerëve të Organizatës së Traktatit të Atlantikut të Veriut (NATO).

Londra kërkon një takim urgjent të liderëve të NATO-s – zyra e kryeministrit britanik ka lëshuar një deklaratë dhe ka njoftuar se Liz Truss do ta bëjë këtë kërkesë gjatë takimit të liderëve të Grupit të Shtatë, i cili do të mbahet së shpejti. Sipas kësaj deklarate, arsyeja e kërkesës së Truss është sigurimi i vullnetit të aleatëve për të kundërshtuar përshkallëzimin e sulmeve ruse në Ukrainë.
Kjo ndërkohë që kryeministri i Britanisë së Madhe ka zhvilluar pak orë më parë një bisedë telefonike me presidentin e Ukrainës për të dënuar sulmet e fundit në Kiev dhe aneksimin e territoreve të Ukrainës, si dhe për të theksuar mbështetjen e Londrës. Udhëheqësit e G7 do të takohen sot (e martë, 11 tetor) për të përsëritur unitetin e tyre në kundërshtimin e vazhdimit të luftës në Ukrainë, thuhet në deklaratë. Në këtë takim, i cili do të mbahet në formë video-konference, është i pranishëm edhe presidenti i Ukrainës, Volodymyr Zelensky.
Sipas raporteve të publikuara, sulmet ajrore ruse, janë sulmet më të gjera kundër Ukrainës që nga fillimi i luftës. Këto sulme pasuan rastin kur një kamion mallrash shpërtheu në seksionin e autostradës së Urës së Krimesë rreth orës gjashtë të mëngjesit të së shtunës. Ky shpërthim çoi në zjarrin e shtatë rezervuarëve të karburantit të trenit që po lëvizte drejt Krimesë. Rusia filloi ndërtimin e kësaj ure pasi aneksoi Krimenë në territorin e saj në vitin 2014.
Kjo urë mbi ngushticën e Kerçit përdoret veçanërisht për transferimin e pajisjeve ushtarake të ushtrisë ruse. Rëndësia e kësaj ure nga pikëpamja simbolike dhe logjistike ka bërë që analistët ta konsiderojnë këtë shpërthim si një nga zhvillimet vendimtare në rrugën e konflikteve në Ukrainë.

Burimi

You might also like
Leave A Reply

Your email address will not be published.